काठमाडौं । भदौ १० गतेबाट प्रदर्शनमा आउन लागेको चलचित्र ‘प्रकाश’ को ट्रेलर सार्वजनिक भएको छ ।

दिनेश राउतले निर्देशन गरेको उक्त चलचित्रमा सरकारी स्कूलको शिक्षक बन्न गाउँको एक विपन्न युवकले गर्नुपरेको संघर्ष र बेपत्ता श्रीमानको पखाईमा रहेकी एक महिलाको कथालाई देखाइएको छ ।

चलचित्रमा अभिनेता प्रदीप खड्का र अभिनेत्रि दीया मास्केको मुख्य भुमिका रहेको छ ।

महेन्द्र अधिकारी निर्माता रहेको फिल्ममा प्रकाश घिमिरे, निरज पन्थी, राजन खतिवडा, गोविन्द सुनुवार, रामबाबु रेग्मी, लोकेन्द्र लेखक लगायतको पनि अभिनय रहेको छ ।

बिनिस इन्टरटेनमेण्टको ब्यानरमा निर्माण भएको चलचित्रलाई विकास सुवेदीले लेखेका हुन भने राजेश श्रेष्ठले छायाँकन गरेका हुन् ।