आइएमई पे र अरोगीन हेल्थ केयरबीच छुटसम्बन्धी सम्झौता

नेपालवाच २०८० जेठ १६ गते १७:४२

काठमाडौं । ‘आइएमई पे’ र अरोगीन हेल्थ केयर बीच छुट प्रदान गर्ने सम्झौता सम्पन्न भएको छ ।

उक्त सम्झौता अनुसार, अब अरोगीन हेल्थ केयरमा आइएमई पे मार्फत भुक्त्तानी गर्दा ४५ प्रतिशतसम्म छुट प्राप्त सकिने बताइएको छ ।

सम्झौता पत्रमा अरोगीन हेल्थ केयरको तर्फबाट जानुका बिष्ट र आइएमई डिजिटल सोलुसन लिमिटेडको तर्फबाट माधव कटुवालले हस्ताक्षर गरेका हुन् ।

उक्त सम्झौता अन्तर्गत अरोगीन हेल्थ केयरको विभिन्न सेवा सुबिधा प्रयोग गरी आइएमई पे मार्फत भुक्तानी गर्दा सुबिधा बमोजिम ५ देखि ४५ प्रतिशतसम्म छुट प्रदान गरिने बताइएको छ । सो छुट सिमित सेवालाई मात्र लागु हुने कम्पनीले जनाएको छ ।