काठमाडौं । जनता समाजवादी पार्टीका नेता तथा संघीय मामिला तथा सामान्य प्रशासनमन्त्री राजेन्द्र श्रेष्ठले केपी ओली नेतृत्वको पार्टीलाई जनताले माया गरेर बहुमत दिएको तर त्यसको बदला उनले गणतन्त्र समाप्त गर्न लागेको आरोप लगाए ।

‘हिन्दूहरूले गाईलाई गौमाताको रुपमा पुज्छन् । दूधका लागि मिठा–मिठा खाना दिन्छन् । ओलीको पार्टीलाई पनि त्यही सम्झेर नेपाली जनताले भोट दिएर जिताए तर गाई थारो परेछ’, गठबन्धनले शुक्रबार काठमाडौंमा गरेको चुनावी सभामा उनले भने, ‘ओलीले जनमतको म्याण्डेटविपरीत संघीयता, संविधान र गणतन्त्र नै समाप्त पार्ने काम गरे ।’

श्रेष्ठले ओलीको अलोकतान्त्रिक चरित्रका विरुद्ध लड्न गठबन्धन बनाउन परेको बताए ।

त्यस्तै उनले बहुदल स्थापनापछिको ३० वर्षमा काठमाडौं महानगरमा केही पनि परिवर्तन नभएका गुनासो गरे । त्यसतर्फ अब निर्वाचति हुने जनप्रतिनिधिले ध्यान दिन उनले आग्रहससमेत गरे ।