काठमाडौं । तनहुँमा नेकपा एमाले र सत्ता गठबन्धनका कार्यकर्ताबीच झडप भएको छ ।

एक बालक बेपत्ता भएको विषलाई लिएर तनहुँको घिरिङ गाउँपालिका–१ पुट्टारमा दुई पक्षबीच ढुंगा हानाहान भएको हो ।

सोमबार सत्ता गठबन्धनको चुनावी सभामा गएका एक बालक कालीगण्डकी नदीमा बेपत्ता भएका थिए ।

नेपाली कांग्रेस र नेकपा एकीकृत समाजवादीले आयोजना गरेको चुनावी उक्त सभामा गएका घिरिङ–५ का १३ वर्षीय ईश्वर विक पौडी खेल्ने क्रममा बेपत्ता भएका थिए । बालक हराएपछि उनकी आमाले गाँउपालिका अगाडि धर्ना दिएकी थिइन् ।

सोही विषयमा छलफल गर्न आयोजित सर्वदलीय बैठकमा ढुंगा हानाहान भएको प्रहरीले जनाएको छ ।

झडपमा परेर गाउँ कार्यसमितिका सभापति यामबहादुर थापा घाइते भएका छन् ।