काठमाडौं । नेपाली कांग्रेस नेता रामचन्द्र पौडेलले यो चुनावमा अघिल्लो पटकका चुनावमा जस्तो बाहिरी तडक–भडक नभएको बताएका छन् ।

शुक्रबार स्थानीय तह निर्वाचनमा भोट हलेपछि उनले निर्वाचन आयोगले यसपटक गरेको काम प्रशंसायोग्य भएको बताएका छन् ।

चुनाव प्रचार प्रसारका तडकभडकलाई नियन्त्रण गरेर आयोगले अनुशासन कायम गरेको उनले बताए । उनले पछि थपे, ‘कसैले भित्र–भित्रै गरेको खर्च त कसलाई थाहा हुन्छ र ? यसलाई पनि राक्ने प्रयास गर्नुपर्छ ।’

पत्रकारहरूसँगको अन्तरक्रियामा उनले देश संघीय संरचनामा गइसकेपछि गाउँ–गाउँमा विकास पुगेको बताए ।

पौडेलले तनहुँको व्यास नगरपालिका -२ अन्तर्गत सत्यावती माविमा मत दिएका छन् ।