काठमाडौं । मकवानपुरको हेटौंडा उपमहानगरपालिकाको मतगणनामा राप्रपा अघि लागेको छ । राप्रपाका दीपकबहादुर सिंहले एकीकृत समाजवादीकी मीनाकुमारी लामालाई १९८ मतले पछि पारेका हुन् ।

प्राप्त पछिल्लो विवरणअनुसार, हेटौंडामा हालसम्म २२ हजार ८ सय ५० मतगणना सम्पन्न भएको छ । जसमा राप्रपाका सिंहले ८ हजार २ सय ६५ र एकीकृत समाजवादीकी लामाले ८ हजार ६७ मत हासिल गरेका छन् ।

कमल थापाको समर्थनमा एमालेबाट उम्मेदवार रहेका अनन्त पौडेलको ६ हजार ५११ छ ।

उपमेयरतर्फ गठबन्धनबाट उम्मेदवार बनेका कांग्रेसका राजेश बानियाँ ११ हजार ७ सय ११ मतका साथ लिड गरिरहँदा उनलाई एमालेकी सुमित्रा काफ्लेले ८ हजार ३३ मतका साथ पछ्याइरहेकी छन् ।

राप्रपाकी इन्दिरा न्यौपाने प्रतिस्पर्धीको दाँजोमा निकै पछाडि छन् । उनले जम्मा १ हजार १० मत पाएकी छ ।