चार वर्षदेखि विचाराधीन रहेको नागरिकता विधेयक फिर्ता

मन्त्रिपरिषद् बैठकका चार मुख्य निर्णय सार्वजनिक

चार वर्षदेखि विचाराधीन रहेको नागरिकता विधेयक फिर्ता

नेपालवाच २०७९ असार २४ गते १८:०५

काठमाडौं । विगत चार वर्षदेखि संसदमा विचाराधीन रहेको नागरिकता ऐन संशोधन विधेयक फिर्ता भएको छ ।

आजको प्रतिनिधि सभा बैठकमा गृहमन्त्री बालकृष्ण खाँडले मन्त्रिपरिषद्को निर्णयअनुसार उक्त विधेयक फिर्ता लिने प्रस्ताव प्रस्तुत गरे ।

संसदले बहुमतले पारित गरेसँगै उक्त विधेयक प्रतिनिधिसभाबाट फिर्ता भएको छ ।

प्रतिनिधिसभाको बैठकमा केही सांसदहरूले शून्य समयमा विधेयक फिर्ता लिन लागेकोबारे असन्तुष्टि जनाएका थिए । संसद भरतकुमार साहले सो विधेयक फिर्तापछि अर्को नयाँ विधेयक चाँडो ल्याएर पारित गराउन माग गरे ।