NepalWatch

News Portal For Eeverything In Nepal from Nepal

२०८१ जेठ १७ गते

सेनाले माग्यो ६८ डाक्टर तथा नर्स, आवेदन पर्सिसम्म दिन सकिने

काठमाडौं । वीरेन्द्र सैनिक अस्पताल छाउनीले चिकित्सक तथा नर्स गरी ६८ जनशक्ति माग गरेको छ ।

करार सेवाअन्तर्गत गरिएको विज्ञापनमा मेडिकल अधिकृत ८ जना माग गरिएको छ । मान्यता प्राप्त शिक्षण संस्थानबाट एमबिबिएस उत्तीर्ण गरी एनएमसी रजिस्टर भएकाले आवेदन दिन सक्ने सैनिक अस्पतालले जनाएको छ ।

बिएन र बिएससी नर्स १० जना मागिएको छ । मान्यता प्राप्त शिक्षण संस्थानबाट बिएन र बिएससी नर्सिङ उत्तीर्ण भई नर्सिङ काउन्सिलबाट उत्तीर्ण भएकालाई आवेदन दिन अस्पतालले सुझाएको छ ।

स्टाफ नर्समा सबैभन्दा धेरै ५० जना माग गरिएको छ । पिसिएल नर्सिङ उत्तीर्ण गरी लाइसेन्स लिएकाले यसमा प्रतिस्पर्धा गर्न पाउने छन् ।

विश्वव्यापी महामारीको रूप लिएको कोभिड–१९ को तेस्रो लहरबाट उत्पन्न प्रतिकूल परिस्थितिमा संक्रमित बिरामीको उपचारका लागि जनशक्ति माग गरेको अस्पतालले जनाएको छ ।

दरखास्त बुझाउने समय तीन दिन मात्र दिइएको छ । दरखास्त फाराम वीरेन्द्र अस्पताल छाउनीबाट लिन सकिनेछ ।