काठमाडौं । चुनावी रणनीति बनाउन नेकपा एकीकृत समाजवादीको केन्द्रीय सचिवायल बैठक बसेको छ ।

केन्द्रीय कार्यलय बानेश्वरमा जारी बैठकले चुनावी जनपरिचालन अभियान, घोषणापत्र तथा चुनावी प्रचारसम्बन्धी निर्णय हुने उपमहासचिव प्रकाश ज्वालाले जानकारी दिए । यस्तै आजको बैठकले केन्द्रीय विभागलाई पूर्णता दिने, उम्मेदवार छनोट गर्ने विषयमासमेत निर्णय हुनेछ ।

गत भदौमा एमालेबाट अलग भएपछि पहिलो पटक चुनावमा होमिन लागेको एकीकृत समाजवादीले सुरूदेखि नै चुनावी गठबन्धनको पक्षमा रहेको छ ।

देशभर संगठनले पूर्णता नपाइसकेको अवस्थामा उसले चुनावी तयारीको साथसाथै संगठन विस्तारलाई पनि सँगसँगै लैजाने नीति लिएको छ ।