काठमाडौँ । केपी शर्मा ओलीले टीका लगाएर एमाले भित्र्याएका धादिङका माओवादी नेता पित्तबहादुर डल्लाकोटी २४ घण्टामै पुरानाे पार्टीमा फर्किएका छन् ।

नेकपा एमाले धादिङ स्रोतले डल्लाकोटी माओवादीमै फर्किएको नेपालवाचलाई जानकारी दियो ।

स्रोतका अनुसार, उनले अहिले केहीबेरमै माओवादी फर्किएको बेहोराको विज्ञप्ति जारी गर्दैछन् ।

डल्लाकोटी धादिङकाे बेनिघाट रोराङ्ग गाउँपालिका अध्यक्षसमेत हुन् । अघिल्लो निर्वाचनमा डल्लाकोटी धादिङमा माओवादी केन्द्रका तर्फबाट स्थानीय तह अध्यक्ष जित्ने एक मात्र प्रतिनिधि हुन् ।

उनी हिजो केपी शर्मा ओलीको हातबाट टीका लगाएर एमाले प्रवेश गरेका थिए । त्यसको २४ घण्टा नपुग्दै उनी माओवादीमै फर्किएका छन् ।

त्यसो त उनी एमाले पृष्ठभूमिकै नेता हुन् । उनी १५ वर्षअघि एमालेबाटै तत्कालीन माओवादीमा प्रवेश गरेका थिए ।