आचारसंहिताप्रति असन्तुष्टि जनाउँदै एमाले निर्वाचन आयोगमा

भारतको सिक्किममा भएको सुरुङ दुर्घटनामा नौ मजदुरको मृत्यु, १५ जना अझै बेपत्ता

आचारसंहिताप्रति असन्तुष्टि जनाउँदै एमाले निर्वाचन आयोगमा

नेपालवाच २०७८ चैत २४ गते १३:१६

काठमाडौं । निर्वाचन आचारसंहितामाथि असन्तुष्टि जनाउँदै एमाले निर्वाचन आयोग गएको छ ।

महासचिव कमरेड शंकर पोखरेलको नेतृत्वमा एमाले आज दिउँसो १ बजे निर्वाचन आयोग गएको हो ।

निर्वाचन आयोगले जारी गरेको आचारसंहिता एमालले चित्त बुझाएको छैन । यसैको असहमति जनाउन एमाले निर्वाचन आयोग गएको प्रचार विभाग प्रमुख विष्णु रिजालले नेपालवाचलाई जानकारी दिए ।

आयोगले हालै मात्र पास गरेको आचारसंहितामा राजनीतिक दलका भ्रातृ संगठनले प्रचार प्रसार गर्न नपाउने व्यवस्था राखेको छ । एमालेले यसैमाथि ध्यानाकर्षण गराउन लागेको हो ।