काठमाडौं । प्रधानमन्त्री शेरबहादुर देउवा पार्टीका स्थानीय नेता–कार्यकर्तालाई तीव्र दबाबका बावजुद भरतपुर महानगरपालिका माओवादीलाई दिन तयार भएका छन् ।

माओवादी अध्यक्ष प्रचण्डले छोरी रेनुलाई पुनः मेयर बनाउने प्रस्ताव देउवासँग राखेपछि गठबन्धन जोगाउन भन्दै देउवा भरतपुर महानगरपालिका दोस्रो पटक माओवादीलाई दिन तयार भएका हुन् ।

कान्तिपुर दैनिकका अनुसार, पार्टीका स्थानीयस्तरका नेता–कार्यकर्ताले भने महानगरको नेतृत्व कांग्रेसले नलिए विद्रोह गर्ने चेतावनी दिएका छन् ।

यसअघि गठबन्धन दलमध्ये जसले जहाँ जितेको छ, त्यसलाई कायम राख्ने भनेपछि भरतपुर स्वतः माओवादीले पाउने निश्चित छ,’ प्रधानमन्त्रीनिकट स्रोतले भन्यो, ‘६ महिानगरपालिकामध्ये यसअघि जितेका ललितपुर र विरातटनगर कांग्रेसले पाउँछ भने वीरगञ्ज जसपाले लिन्छ । एमालेले जितेका काठमाडौं र पोखरा महानगरपालिकामा भागबण्डा हुन बाँकी छ । सम्भवतः काठमाडौंमा कांग्रेस र पोखरा महानगरपालिकामा एकीकृत समाजवादी वा माओवादीमध्ये एकले नेतृत्व पाउनेछन् ।’