काठमाडौं । प्रमुख सत्तारूढ दल नेपाली कांग्रेसले शनिबारका लागि केन्द्रीय कार्यसम्पादन समिति बैठक डाकेको छ । स्थानीय तहका उम्मेदवार टुंगो लगाउनुपर्ने दबाबमा रहेको कांग्रेसले यसबारे यसबारे छलफल गर्न बैठक डाकेको हो ।

महानगरपालिका र उपमहानगरपालिकाका मेयर र उपमेयरबारे आजको बैठकमा छलफल हुने कांग्रेसका एक नेताले जानकारी दिए ।

प्रत्यासी धेरै भएपछि कांग्रेसका नगर कमिटीले नाम सिफारिस गरेर केन्द्रमा पठाएको छ । कांग्रेस विधानमा महानगरपालिका र उपमहानगरपालिकाको उम्मेदवार केन्द्रबाट टुंगो लगाउने प्रावधान छ ।

सत्तासाझेदार दलबीच स्थानीय तहमा तालमेल गर्ने सहमति बनेको छ । तर अहिलेसम्म भागबण्डा टुंगो लागिसकेको छैन ।