काठमाडौं । जनता समाजवादी पार्टी (जसपा) ले प्रत्येक वर्ष ५०० युवाहरूलाई रोजगरी दिने घोषणा गरेको छ । आगामी वैशाख ३० मा हुने स्थानीय तहको निर्वाचनका लागि बुधबार पार्टीको घोषणापत्र सार्वजनिक गर्दै प्रत्येक वडामा ५० जनाको दरले पाँच सय युवालाई रोजगारी दिने घोषणा गरेको हो ।

१६ पन्ने घोषणापत्रमा पर्यटन गाइड तथा होमस्टे कार्यक्रमहरू सञ्चालन गर्न चहने युवाहरूलाई निशुल्क तालिमको व्यवस्था गर्ने प्रतिबद्धता जनाएको छ । त्यस्तै महिलाहरूलाई उत्पादनमूलक तथा रोजगारीमूलक उद्यम गर्न चाहेमा १० वर्षका लागी रू १ करोड सम्म ५ प्रतिशत ब्याजदरमा ऋण दिने घोषणापत्रमा उल्लेख गरेको छ ।

यस्ता छन् युवा रोजगारको विषयमा जसपाको घोषणापत्रमा उल्लेख गरिएका बुँदाहरू :

१. पर्यटक गाइड तथा होमस्टे कार्यक्रमहरू संचालन गर्न चाहनेहरूलाई आवश्यक तालिम
सेवा उपलब्ध गराइने छ । यसमा लाग्न चाहने युवाहरूलाई निशुल्क तालिम प्रदान गरिने छ ।

२. काष्ठ तथा फर्निचर, टेक्सटाइल (साना तथा मझौला), इलेक्ट्रिकल–मेकानिकल सामग्री, कृषि तथा पशुपालन, वागवानी, सिमेन्ट, ईटा, साबुन, डिटर्जेण्ट, होटल–पार्टी प्यालेस स्थापना तथा सञ्चालन र पेट्रोल पम्प संचालनजस्ता विषयहरूमा प्रत्येक वर्ष हरेक वडाका ५० जना गरेर नगरपालिकाका ५०० युवालाई रोजगारी एव उत्पादन मूलक विषयगत तालिमको व्यवस्था गरिने छ । राम्रो उद्यम गर्ने ५० जनालाई विदेशमा गएर तालिम लिएर आउने व्यवस्था मिलाईने छ ।

३. रोजगार, स्वरोजगार तथा उद्यमशिलताको तालिममा गरीव परिवार, महिला तथा दलित
समुदायलाई प्राथमिकता दिइने छ ।

४. प्रत्येक वडामा एक फुटसल सहित एक खेलकुद मैदान बनाइने छ ।खेलकुद क्षेत्रमा लाग्न चाहने युवाहरूलाई प्रोत्साहन मूलक कार्यक्रमहरूको व्यवस्था गरिने छ ।

५. वैदेशिक रोजगारमा गएका युवाहरूको व्यक्तिगत सुरक्षा, उनीहरूले कमाएको पुँजी जलविद्युत, उद्योगधन्दा जस्ता योजनामा सेयर लगानी गर्न पाउने उचित व्यवस्था गरिने छ । यसको लागि एउटा छुट्टै कोष खडा गरिने छ ।

५) युवा तथा लैङ्गिक मैत्री बजेटको व्यवस्थापन गर्न विशेष ध्यान दिइने छ ।
ख) महिला हिंसाको अन्त्यका लागि ‘फाष्ट ट्रयाक महिला न्याय यूनिट’ को ब्यवस्था हुने छ ।

जसपाको घोषणपत्र यस्ता छन् :