काठमाडौं । नेपाली कांग्रेसका महामन्त्री गगन थापाले आफ्नो पार्टीले जितेको स्थानीय तहमा कुनै भ्युटावर नबनाउने घोषणा गरेका छन् ।

आइतबार पार्टी कार्यालय सानेपामा स्थानीय तह निर्वाचनका लागि पार्टीको घोषणापत्र सार्वजनिक गर्दै उनले कांग्रेसले जितेको स्थानीय कुनै भ्युटावर र गेट नबनाउन प्रतिबद्धता जनाएका हुन् ।

यस्तै उनले कांग्रेसबाट निर्वाचित जनप्रतिनिधिले जथाभावी गाडीको सुविधासमेत नलिने घोषणा गरेका छन् । एमाले अध्यक्ष केपी शर्मा ओली नेतृत्वको सरकार र स्थानीय जनप्रतिनिधिले जथाभावी भ्युटावर बनाएर राज्य कोषको दुरुपयोग गरेको भन्दै व्यापक आलोचना भएको थियो । त्यसलाई दृष्टिगत गरी कांग्रेसले अलोकप्रिय काम हात नहाल्ने प्रतिबद्धता जनाएको छ ।

यी हुन् २ प्रतिबद्धता :

१. कांग्रेसले जितेका स्थानीय तहमा भ्युटावर र गेट नबनाउने ।
२. अनावश्यक गाडीको सुविधा नलिने ।

स्थानीय निर्वाचनका लागि कांग्रेसको घोषणापत्र सार्वजनिक (पूर्णपाठसहित)