NepalWatch

News Portal For Eeverything In Nepal from Nepal

२०८० चैत १५ गते

काठमाडौंको मेयरमा कांग्रेसबाट सिंहले गरिन् उम्मेदवारी दर्ता

काठमाडौं । काठमाडौं महानगरपालिकाको मेयरका लागि कांग्रेसबाट सिर्जना सिंहले उम्मेदवारी दर्ता गराएकी छिन् ।

बाजागाजासहित मुख्य निर्वाचन अधिकृतको कार्यालय राष्ट्रिय सभा पुग्दै सिंहले उम्मेदवारी दर्ता गराएकी हुन् । सिंह नेता प्रकाशमान सिंहकी पत्नी हुन् ।

सत्ता गठबन्धनमा काठमाडौंको मेयर कांग्रेसले पाएको थियो । अन्य दाबेदार भए पनि प्रकाशमानको बलियो प्रभाव रहेको काठमाडौंबाट उनकै पत्नीलाई उम्मेदवार बनाइएको हो ।

उपमेयर नेकपा एसले पाएको छ ।

काठमाडौंमा २०७४ सालमा भएको निर्वाचनमा मेयरमा एमालेको विद्यासुन्दर शाक्य र उपमेयरमा कांग्रेसकी हरिप्रभा खड्गी विजयी भएकी थिइन् ।

शाक्यले झण्डै २० हजार मत अन्तरले जितेका थिए । तर, उपमेयरमा कांग्रेस उम्मेदवारले भने कांग्रेस मेयरका उम्मेदवार राजुराज जोशीको भन्दा १३ हजार बढी मत ल्याएकी थिइन् ।