काठमाडौं । नेकपा एमालेका अध्यक्ष केपी शर्मा ओलीले नेपाली कांग्रेसको घोषणापत्र राजनीतिक दस्तावेज नभएको टिप्पणी गरेका छन् ।

मंगलबार एमालेका पूर्वअध्यक्ष एव प्रधानमन्त्री मनमोहन अधिकारीको २३ औं स्मृति दिवसमा बोल्दै उनले कांग्रेसको घषणापत्रलाई राजनीतिक दस्तावेज मान्न नसक्ने टिप्पणी गरेका हुन् ।

‘कांग्रेसको घोषणापत्रलाई राजनीतिक दस्तावेज मान्न सकिंदैन । त्यो पागलहरूको प्रलाप हो’, उनले प्रश्न गरे, ‘जथाभावी गाली गर्ने, तथानाम शब्दबाहेक केही छैन, कसरी राजनीतिक दस्तावेज हुन्छ ? खालि धारे हात लगाको छ । पाँच वर्ष खेर गयो । केही गरेन । उत्ताउलो विकास गर्यो भनेको छ । त्यो घोषणापत्रमा वैयक्तिक ढंगले व्यक्तिलाई किटेर गाली गरेको छ ।’

कांग्रेसको घोषणापत्रमा राजनीतिक विश्लेषण नै नभएको भाव विनाको शब्द भएको ओलीले टिप्पणी गरे ।