प्रहरीको अनुरोध : चुनाव प्रचारका क्रममा अपरिचितले दिएको प्रसाद नखानू
काठमाडौं । स्थानीय तह निर्वाचनको घरदैलो कार्यक्रमका क्रममा अपरिचित व्यक्तिले दिएको प्रसाद वा सगुन सेवन नगर्न नेपाल प्रहरीले आग्रह गरेको छ ।
प्रहरी प्रधान कार्यालयले आइतबार एक विज्ञप्ति जारी गर्दै अपरिचितले दिएको प्रसाद वा सगुन सेवन गरेपश्चात् बेहोस हुन र चक्कर लागेर लड्नेजस्ता घटना भएको पाइएकोले सचेत रहन सबैलाई आग्रह गरेको हो ।
यस्ता घटना भएको पाइएमा तुरुन्त खबर गर्न प्रहरीले अनुरोध गरेको छ ।
प्रतिक्रिया