हत्या आरोपमा वडाध्यक्षका उम्मेदवार पक्राउ
काठमाडौं । रुकुमको पुथाउत्तरगंगा गाउँपालिका–११ का वडाध्यक्ष उम्मेदवार महिलाको हत्या गरेको आरोपमा पक्राउ परेका छन् । ३९ वर्षीया दुँठी बुढा भनिने जुनमाया बुढा हत्या आरोपमा पृथाउत्तरगंगा–११ का जयकुमार बुढा, अर्जुन बुढा र कुमारसिंह बुढा पक्राउ परेका हुन् ।
उनीहरू तीनै जना माओवादी कार्यकर्ता हुन् । पक्राउ परेकामध्ये जयकुमार बहालवाला वडाध्यक्ष हुने भने कुमारसिंह माओवादीबाट वडाध्यक्षका उम्मेदवार हुन् ।
रुकुमकोट जिल्ला अदालतबाट १० दिनको म्याद थप गरेर घटनाबारे अनुसन्धान थालिएको प्रहरीले जनाएको छ ।
१९ वैशाखमा चुनावी प्रचारका क्रममाा माओवादी र एमाले कार्यकर्ताबीच झडप भएको थियो । जसक्रममा केही घाइते भएका थिए भने जुनमाया बेपत्ता थिइन् । खोजतलासका क्रममा बुढाको शव स्थानीय जंगलमा सोमबार फेला परेको थियो ।
ताजा अपडेट
-
पेस्तोल बोकेर हिडेका ठेकदार पक्राउ
-
काठमाडौंमा प्रहरीको ‘रोडसाइड रोल कल’ कार्यक्रम
-
सुन आयोगका पदाधिकारीले लिए १५ लाख पारिश्रमिक
-
नेशनल पेमेन्ट गेटवे भ्रष्टाचारः दुई सचिवसहित आठ जनालाई सफाइ, सुनिल पौडेल दोषी ठहर
-
स्वास्थ्य बीमाबारे भ्रामक सूचनाको भर नपर्नु : स्वास्थ्य मन्त्रालय
प्रतिक्रिया