हुम्लामा वर्षा, मतदान प्रभावित

पहिरोले आठ सडक प्रभावित, बिपी र कान्तिलोकपथमा राति सवारी चलाउन नपाइने

नेपालवाच २०७९ वैशाख ३० गते ८:३६

काठमाडौं । हुम्लामा शुक्रबार बिहानैदेखि पानी परेको छ । वर्षापछि त्यहाँको मतदान प्रभावित भएको छ ।

वर्षाका कारण नाम्खा गाउँपालिकामा अहिलेसम्म मतदान सुरु हुन सकेको छैन । यो गाउँपालिकामा महाबौद्ध मावि, धुमछुमी आधारभूत विद्यालय भुवा कलाश र स्वयम्भू आधारभूत विद्यालयलाई मतदान केन्द्र तोकिएको छ ।

वर्षाकै बीच केही स्थानमा भने मतदान जारी छ । जिल्ला निर्वाचन कार्यालयका अनुसार, चंखेली गाउँपालिकाको केही मतदान केन्द्रमा अहिले मतदान भइरहेको छ ।