काठमाडौं । गोरखाको गण्डकी गाउँपालिका ७ घ्याल्चोकको ज्ञानमार्ग माविको मतदान केन्द्रमा प्रहरीले हवाइ फायर गरेको छ । मतदानस्थलमा नेपाल कांग्रेस र नेकपा माओवादी केन्द्रका कार्यकर्ताबीच झडप भएपछि तनावग्रस्त स्थिती नियन्त्रणमा लिन प्रहरीले हवाइ फायर गरेको हो ।

झडपमा माओादी कार्यकर्ताले मतदानस्थलको बार पनि भत्काएका छन् । विवादका कारण केही समयका लागि मतदान स्थगित भएको थियो । जुन अहिले पुनः सुचारु भइसकेको छ ।

अवस्था जटिल भएपछि मतदान केन्द्रमा अहिले सेनासहितका थप सुरक्षा टोली खटाइएको छ ।