काठमाडौं । रौतहटस्थित यमुनामाइ गाउँपालिकाका स्थानीयले मतपेटिका नै लुटेर खेतैखेत भागेका छन् ।

जिल्ला प्रशासन कार्यालय रौतहटले जनाएअनुसार उक्त गाउँपालिकाको वडा नं २ को स्थित मा.वि भेडियाही मतदानस्थलबाट मतपेटिका लुटिएको हो ।

मतपेटिकासहित स्थानीयलाई अहिले प्रहरीले नियन्त्रणमा लिइसकेको छ । अवस्था तनावग्रस्त भएपछि हाललाई चुनाव स्थगित भएको जिप्रका कर्मचारीले जानकारी दिए ।

भीडले मतपत्र च्यात्नदेखि मतपेटिका नै लुट्ने काम गरेका थिए । मतपेटिका लुटिएपछि मतदान अधिकृतले पुनः निर्वाचन हुने सूचना जारी गरेका छन् ।