प्रधानमन्त्री देउवाले भने– निर्वाचन निष्पक्ष, धाँधलीरहित र उत्साहपूर्ण

नेपालवाच २०७९ वैशाख ३० गते १९:४४

काठमाडौं । प्रधानमन्त्री एवं कांग्रेस सभापति शेरबहादुर देउवाले देशभर भएको स्थानीय तहको निर्वाचन निष्पक्ष, धाँधलीरहित र उत्साहपूर्ण भएको बताएका छन् ।

निर्वाचन सकिएलगत्तै कांग्रेस केन्द्रीय कार्यालयका मुख्य सचिव कृष्णप्रसाद पौडेलले देउवाको तर्फबाट जारी गरेको विज्ञप्तिमा जनताको उत्साहपूर्ण र सक्रिय सहभागिताले सरकार र राजनीतिक दलहरूलाई थप प्रेरणा मिलेको उल्लेख छ ।

निर्वाचन सफल पार्न खटिने कर्मचारी, सुरक्षाकर्मीसहितलाई देउवाले धन्यवाद दिएका छन् ।