मनाङबाट एमालेले खोल्यो जितको खाता, कसले कति मत ल्याए ?

नेपालवाच २०७९ वैशाख ३१ गते १:४०

काठमाडौँ । स्थानीय तह निर्वाचनको मत परिणाम आउन शुरु भएको छ । कम मतदाता भएका स्थानीय तहको मतपरिणाम सार्वजनिक हुन थालेको हो ।

भर्खरै प्राप्त समाचार अनुसार मनाङको चामे गाउँपालिकाको अध्यक्षमा नेकपा एमालेका उम्मेदवार विजयी भएका छन् ।

चामेमा विजयी भएर नेकपा एमालेले स्थानीय निर्वाचन २०७९ को खाता खोलेको छ । गाउँपालिकाको अध्यक्ष पदमा एमालेका उम्मेदवार लोकेन्द्रवहादुर घले ३०३ मत पाएर विजयी भएका हुन् ।

उनका निकटम प्रतिस्पर्धी कांगेसका उम्मेदवारले भने २ सय १७ मत पाएका छन् । उपाध्यक्षमा भने कांगेस उम्मेदवार बिजयी भएकी छन् ।