काठमाडौं । काठमाडौं महानगरपालिकाको मेयरमा बालेन्द्र शाह बालेनको अग्रता कायमै रहेको छ । दुई हजार ८१ मत गणना भइसक्दा बालेन दोस्रो स्थानका स्थापितभन्दा १६८ मतले अघि छन् ।

बालेनले ६३२ मत तथा स्थापितले ४६४ मत ल्याएका छन् ।

सत्ता गठवन्धनबाट उम्मेदवार बनेकी नेपाली कांग्रेसकी सिर्जना सिंह तेस्रोमा छिन् । उनको पक्षमा ३३१ मत खसेको छ ।

हाल काठमाडौंका १,२,३,४ र ३२ नम्बर वडाको मतगणना भइरहेको छ ।

उपमेयरमा एमालेकी सुनिता डंगोलले फराकिलो अन्तराल कायम गरेकी छिन् ।

उनले हालसम्म ६९१ भोट ल्याउँदा नेकपा एसका उम्मेदवार रामेश्वर श्रेष्ठले २११ मतमात्र पाएका छन् ।