काठमाडौं । काठमाडौंको मेयरमा स्वतन्त्रका बालेन शाहले अग्रता बढाउँदै लगेका छन् । ३ हजार ६३० मत गणना हुँदा बालेनले ३५८ मतको अग्रता लिएका हुन् ।

एमाले मेयरका उम्मेदवार केशव स्थापितले ८७२ मत प्राप्त गरेका छन् । कांग्रेसकी सिर्जना सिंहले सात सय मत ल्याएकी छन् ।

सुरुदेखि नै काठमाडौंमा बालेनले अग्रता बनाउँदै आएका थिए । यो क्रम अहिलेसम्म एकपटक पनि रोकिएको छैन ।

काठमाडौंमा ३२ वडामध्ये वडामध्ये वडा १, २, ३, ४ र ३२ मा मतगणना भइरहेको छ । पहिले १ र ३२ को भएकोमा पछि २, ३ र ४ को पनि गणना हुन थालेको हो ।

३२ नम्बर वडाबाट बालेनले राम्रो मत बटुलेका थिए ।