हेटौंडा । हेटौंडा उपमहानगरपालिकामा राप्रपाका उम्मेदवार पछि परेका छन् । यसअघि प्राप्त परिणाममा अग्रता बनाएका राप्रपाका मेयर उम्मेदवारलाई एकीकृत समाजवादीले पछि पारेको हो ।

त्यहाँ अग्रता बनाएकी नेकपा (एकीकृत समाजवादी कि मीना लामाले दुई हजार ३९१ मत प्राप्त गरेकी छन् । राप्रपाका दीपकबहादुर सिंहले हासिल गरेको मत दुई हजार ३४९ छ ।

एमालेका अनन्त पौडेलको पक्षमा खसेको मत संख्या दुई हजार १८२ छ ।

यसैगरी उपप्रमुख पदमा गठबन्धनका नेपाली कांग्रेसका राजेश बानियाँले तीन हजा ४७५ मत र अर्का उम्मेदवार एमालेका सुमित्रा काफ्लेले दुई हजार ६९९ मत प्राप्त गरेको मुख्य निर्वाचन अधिकृतको कार्यालयले जानकारी दिएको छ ।