काठमाडौं । काठमाडौं महानगरपालिकाको मेयरमा स्वतन्त्रका उम्मेदवार बालेन शाहले १० हजार मत कटाएका छन् । जारी मतगणनामा बालेनले १०२४१ मत प्राप्त गरेका छन् ।

५ हजारले पछि परेका एमालेका केशव स्थापितले ५४५३ मत ल्याउँदा तेस्रो स्थानमा रहेकी कांग्रेस उम्मेदवार सिर्जना सिंहले ४७४२ प्राप्त गरेकी छिन् ।

सुरुदेखि १० हजार मत कटाउने बेलासम्म बालेन एकपटक पनि पछाडि परेका छैनन् । बरु एमाले र कांग्रेसको प्रभाव रहेको क्षेत्रमा समेत राम्रो मत ल्याएर निरन्तर अग्रता बनाउँदै आएका छन् ।