काठमाडौं । पूर्वप्रधानमन्त्री तथा जनता समाजवादी पार्टीका राष्ट्रिय परिषद् अध्यक्ष डा. बाबुराम भट्टराईले स्थानीय तहको निर्वाचनमा गठबन्धन गर्नु अनुपयुक्त भएको बताएका छन् ।

मंगलबार संसद् बैठकबाट बाहिरिँदै गर्दा उनले गठबन्धनले सत्तारुढ दललाई खासै फाइदा नपुगेको र गठबन्धनप्रति आफ्नो पहिलेदेखि नै असहमति रहेको बताए ।

गठबन्धन स्थानीय स्तरमा जनताले टुंगो लगाउने विषय भएकाले केन्द्रको भूमिका यसमा हुन नहुने उनको तर्क छ । गठबन्धनबाट चुनावमा कांग्रेस र माओवादीलाई थोरै फाइदा भएको बाबुरामले बातए ।