काठमाडौं । धनुषा जिल्लाको नगराइन नगरपालिकाको मेयर र उपमेयर पद नेपाली कांग्रेस र एमालेले बाँडेका छन् ।

मेयरमा कांग्रेसका विनयकुमार यादव र उपमेयरमा नेकपा एमालेकी राधादेवी यादवको पल्लाभारी भएको छ ।

यादव ५ हजार ५५६ मतका साथ यहाँ निर्वाचित भएका हुन् । उनका निकटतम प्रतिद्वन्द्वी नेकपा एमालेका रामबाबु पञ्जियारले ५ हजार ५१४ मतमा स्तब्ध भए ।

नगराइनमा लोकतान्त्रिक समाजवादी पार्टीले राजेश चौधरीलाई मेयर उम्मेदवार बनाएको थियो । उनले २ हजार ७५८ मत हासिल गरे ।

उपमेयरमा भने एमालेकी राधादेवी यादवले जित निकालेकी छन् । कांग्रेसकी रञ्जुकुमारी साहलाई २०७ मतान्तरले पछि पार्दै यादव विजयी भएकी हुन् । यादव र साहले क्रमशः ५ हजार ७३० र ५ हजार ५२३ मत प्राप्त गरे ।