झापामा पहिलो महिला मेयर निर्वाचित
दमक । झापामा पहिलो महिला नगरप्रमुख निर्वाचित भएकी छन् ।
नेकपा एमालेकी उम्मेदवार पवित्रा महतारा प्रसाईंले गठबन्धनका कांग्रेसका भोजराज सिटौलालाई तीन हजार ७ सय ५८ मतान्तरले पराजित गर्दै बिर्तामोड नगरपालिकाको मेयर पदमा निर्वाचित भएकी हुन् ।
प्रसाईं जिल्लामा पहिलो महिला मेयर बनेकी छन् । उनले १६ हजार ५ सय २० मत र उनका निकटतम प्रतिद्वन्द्वी सिटौलाले १२ हजार ७ सय ६२ मत पाए ।
उपमेयरमा एमालेकै नगेन्द्र संग्रौला निर्वाचित भएका छन् । उनले गठबन्धनका तर्फबाट माओवादी केन्द्रका चन्द्रप्रसाद (सीपी) कडरियालाई पराजित गरे ।
प्रतिक्रिया