कांग्रेसले टिकट नदिएपछि २३ वर्षीय युवाले स्वतन्त्रबाट हराए गठबन्धनका उम्मेदवार

नेपालवाच २०७९ जेठ ७ गते १२:४९

काठमाडौं । कांग्रेस-माओवादी सत्ता गठबन्धनलाई हराउँदै २३ वर्षीय नविनकुमार तामाङ निर्वाचित भएका छन् ।

उदयपुरको कटारी नगरपालिका–८ को अध्यक्षमा निर्वाचित भएका तामाङले गठबन्धनका तर्फबाट माओवादीका उम्मेदवार बनेका कमलबहादुर श्रेष्ठलाई हराउँदै विजय हासिल गरेका हुन् ।

शनिबार सार्वजनिक मतपरिणामअनुसार तामाङले १२ मतान्तरले श्रेष्ठलाई पराजित गरेका हुन् । तामाङले ५ सय ५३ र श्रेष्ठले ५ सय ४१ मत ल्याएका छन् । उनले स्थानीय तहमा गठबन्धन गर्न नहुने भन्दै यसको व्यापक विरोध गरिरहेका थिए ।

नेपाली कांग्रेसले टिकट नदिएपछि तामाङ स्वतन्त्र उम्मेदवारका रुपमा चुनावमा सक्रिय भएका थिए ।