धनगढी । धनगढी उपमहानगरपालिकाको मेयरमा गठबन्धनलाई परास्त गर्दै स्वतन्त्र उम्मेदवार गोपाल हमाल निर्वाचित भएका छन् ।

नेपाली कांग्रेसका नृपबहादुर ओडलाई पराजित गर्दै हमाल विजयी भएका हुन् । ओड धनगढी उपमहानगरपालिकाका निवर्तमान मेयर हुन् । उनले अघिल्लो निर्वाचनमा हमाललाई २ हजार ७ सय मतान्तरमा पराजित गरेका थिए ।

यसपटक हमालले २६ हजार ८६५ मतका साथ जित हासिल गर्दा उनका निकटतम प्रतिद्वन्द्वी ओडले १४ हजार ८१७ मत हासिल गरे ।

यहाँ एमालेका रणबहादुर चन्द तेस्रो भए । उनले हासिल गरेको मत ९ हजार ११५ छ ।

उपमेयर भने एमालेको पोल्टामा परेको छ । माओवादी केन्द्रकी शान्ति अधिकारीलाई पराजित गर्दै एमालेकी कन्दकला राना विजयी भएकी हुन् ।

रानाले १५ हजार ४७९ मत पाइन् भने अधिकारी १२ हजार ६७० मतमा रोकिइन् । स्वतन्त्र उम्मेदवार प्रभाकर भण्डारीले ६६०९ मत हासिल गरेकी छन् ।