काठमाडौं । अछामको साँफेबगर नगरपालिकामा एमाले नेता डा. भीम रावललाई ठूलो धक्का लागेको छ । रावलको गृहनगरसमेत रहेको नगरपालिकामा मेयरमा कांग्रेस र उपमेयरमा एकीकृत समाजवादी विजयी भएका छन् ।

मेयरमा कांग्रेसका राजेन्द्रबहादुर कुँवर ७ हजार २६५ मत ल्याइ विजयी भए । उनका निकटतम प्रतिस्पर्धी एमालेकी पशुपति कुँवरले ५ हजार ३९ मत प्राप्त गरेकी छन् ।

त्यस्तै उपप्रमुखमा नेकपा एकीकृत समाजवादीका शिवबहादुर कुँवर विजयी भए । कुँवरले ६ हजार ४३४ मत प्राप्त गर्दा उनका निकटतम प्रतिस्पर्धी माओवादी केन्द्रका रंग ठकुल्लाले ५ हजार ३१४ मत पाए । गत निर्वाचनमा मेयरसहित ८ वडाध्यक्ष जितेको एमाले योपटक ३ वडामा सिमित भएको छ ।

सुदूूरपश्चिका प्रभावशाली नेता रहेका रावल एमाले विभाजनसँगै कमजोर देखिएका छन् । एमालेमा लामो समय माधव निकट भएर काम गरेका रावल माधवसमूह गलग भएपछि उनी एमालेमै बसेका थिए ।