काठमाडौं । स्थानीय तहको निर्वाचन २०७९ अन्तर्गत ७३० भन्दा बढी तहको नतिजा आएको छ । जसमा ३२१ तहसहित कांग्रेस पहिलो स्थानमा रहेको छ । कांग्रेसले अघिल्लोपटक २६६ स्थानीय तहको नेतृत्व जितेको थियो ।

अघिल्लोपटक २९४ तह जितेको एमाले यसपटक २०० तह जितेको छ । माओवादी १०६ बाट बढेर १२० तह जित्न सफल भएको छ ।

जसपाले २९, एकीकृत समाजवादीले १८, लोसपाले १५, राप्रपा, राष्ट्रिय जनमोर्चा र ४४ पालिका जितेका छन् । स्वतन्त्रले ११ तह जित्दा अन्य तीन दलले एकएक तहको नेतृत्व जितेका छन् ।

अझै १५ बढी तहको परिणाम आउन बाँकी छ । यो परिणामले दलहरूको यो अनुपातलाई खासै प्रभावित गर्ने देखिएको छैन ।

अहिलेसम्म १३ दलले स्थानीय तहमा आफ्नो उपस्थिति देखाएका हुन् । ११ तहमा स्वतन्त्रका उम्मेदवार विजयी भएका छन् ।

एमालेविरुद्ध गठबन्धन बनाएका कांग्रेस, माओवादी, जसपा, नेकपा एकीकृत समाजवादीसहितलाई यसपटक फाइदा पुगेको छ ।