NepalWatch

News Portal For Eeverything In Nepal from Nepal

२०८० चैत १६ गते

बालेनलाई बधाई दिँदै सिर्जनाले भनिन्– रचनात्मक साथ सधैं रहनेछ

काठमाडौं । काठमाडौं महानगरपालिकामा नेपाली कांग्रेसको तर्फबाट मेयर उम्मेदवार रहेकी सिर्जना सिंहले बालेन्द्र साह (वालेन) लाई बधाई दिएकी छन् ।

काठमाडौंको अन्तिम परिणाम सार्वजनिक भएको केही घण्टापछि उनले बालेनलाई बधाई दिएकी हुन् ।

उनले लोकतान्त्रिक अभ्यासको परिणामलाई हार्दिकतापूर्वक स्वीकार गरेको उल्लेख गर्दै निर्वाचित मेयर साहलाई रचनात्मक साथ र सहयोग गर्ने प्रतिबद्धता जनाएकी छन् ।

सिंहले मत जित्न नसके पनि नगरवासीको मन जितेको भन्दै मतदातालाई धन्यवाद व्यक्त गरेकी छन् ।

‘विजयी हुने गरी निश्चय नै मत जित्न सकिन तर नगरवासी आमाबुबा, दिदिबहिनी, दाजुभाइको मन जित्न सकेँ,’ उनले भनिन् ।

काठमाडौं महानगरपालिकाको दुई सातापछि सकिएको अन्तिम मतगणनामा बालेन साह ६१ हजार ७६७ मतका साथ विजयी भएका छन् । दोस्रो भएकी सिंहले ३८३४१ मत हासिल गरिन् ।