काठमाडौं महानगरको बजेट २५ अर्ब ५४ करोड

ट्राफिक कारबाहीमा एकै दिन २२ लाख ७६ हजार राजस्व संकलन

काठमाडौं महानगरको बजेट २५ अर्ब ५४ करोड — फाइल तस्बिर

नेपालवाच २०८० असार १० गते १३:०८

काठमाडाैं । काठमाडौं महानगरपालिकाले आगामी आर्थिक वर्षका लागि लागि २५ अर्ब ५४ करोड ७८ लाख २० हजारको बजेट विनियोजन गरेको छ । आइतबार आयोजित महानगरको १३ औं नगर सभामा उपप्रमुख सुनिता डंगोलले आगामी आर्थिक वर्षका लागि सो बराबरको बजेट विनियोजन गरेकी हुन् ।

विनियोजित बजेटमध्ये चालुतर्फ ८ अर्ब ६१ करोड ५३ लाख २८ हजार अर्थात ३३.७२ प्रतिशत र पुँजीगततर्फ १६ अर्ब ९३ करोड २४ लाख ९२ हजार अर्थात ६६.२८ प्रतिशत छुट्याइएको छ ।

चालु आवको तुलनामा आगामी आवको बजेट करिब रु १४ करोडले बढी हो । कामपाले चालु आवका लागि रु २५ अर्ब ४१ करोड ९६ लाख ९६ को बजेट विनियोजन गरेको थियो ।