काठमाडौं । अखिल नेपाल स्वतन्त्र विद्यार्थी युनियन (अनेरास्ववियू)ले आसन्न स्थानीय चुनावमा प्रत्येक बुथ बराबर सयजना विद्यार्थी स्वयमसेवक खटाउने निर्णय गरेको छ ।

काठमाडौंको प्रज्ञा प्रतिष्ठानमा चेत्र १८ र १९मा अध्यक्ष सुनिता बरालको नेतृत्वमा बसेको केन्द्रीय कमिटीको प्रथम विस्तारित बैठकले जनताको सुरक्षा र षड्यन्त्रविरुद्ध लड्न प्रत्येक बुथमा स्वयम्सेवी खटाउन लागेको हो ।

त्यस्तै बैठकले भारत भ्रमरणमा रहेका प्रधानमन्त्री शेरबहादुर देउवाले प्रोटोकल मिचेर भाजपाको मुख्यालयमा भारतीय समकक्षीलाई भेट गरेकोमा आपत्तिसमेत जनाएको छ । त्यस्तै भ्रमण गर्नुअघि विपक्षी दलका नेतासँग सल्लाह नगरको, मूल्यवृद्धि र महंगी नियन्त्रण गर्न नसकेकोजस्ता आरोप लगाएको छ ।

अनेरास्ववियूले ६ बुँदे आगामी संगठनात्मक र कार्ययोजनासमेत पारित गरेको छ ।