पाँचदलीय संयन्त्रको बैठक : छलफल भयो, निर्णय भएन

नेपालवाच २०७८ चैत २७ गते २०:०४

काठमाडौं । कांग्रेस नेता रामचन्द्र पौडेल नेतृत्वको पाँचदलीय चुनावी संयन्त्रको बैठक सकिएको छ ।

प्रधानमन्त्री निवास बालुवाटारमा आज बसेको बैठकमा स्थानीय तहबाट आएका प्रतिवेदनहरूमाथि छलफल भएको भए पनि कुनै निर्णय नभएको सरकार प्रवक्तासमेत रहेका सञ्चारमन्त्री ज्ञानेन्द्रबहादुर कार्कीले बताए ।

‘बैठकमा गठबन्धनलाई निर्वाचनमा कसरी अगाडि बढाउने भन्ने बारेमा सुझाव सङ्कलन गरियो’, उनले भने, ‘अब शीर्ष नेताहरूलाई बुझाउने तयारी भएको छ । भोलि बुझाइने छ । त्यसपछि शीर्ष तहबाट नै निर्णय हुनेछ ।’