काठमाडौं । नेकपा (एमाले)का वरिष्ठ उपाध्यक्ष ईश्वर पोखरेलले विभिन्न बहानामा निर्वाचन सके टार्ने-नभए सार्ने षड्यन्त्र भइरहेको बताएका छन् । उनले आइतबार सामाजिक सञ्जालमार्फत यस्तो बताएका हुन् ।

वरिष्ठ उपाध्यक्ष पोखरेलले स्थानीय चुनाव सार्न ‘सम्पूर्ण सेटिङ’ परिचालित गर्ने कोशिस भइरहेको बताउँदै सावधान हुन र सबैतिरबाट खबरदारी गर्न जरुरी रहेको बताएका छन् ।

उनको यो भनाइ सत्ता गठबन्धन र सरकारप्रति देखिन्छ । तर, उनले नाम उल्लेख भने गरेका छैनन् ।

‘स्वार्थ र डरलाग्दो षडयन्त्रको जगमा खडा गरिएको गठबन्धन शायद आफ्नै पापको भारीले किचिँदैछ !’, फेसबुकमा उनले लेखेका छन्,

‘विभिन्न बहानामा निर्वाचन सके टार्ने-नभए सार्ने अन्तिम आपराधिक योजनामा आफूले खडा गरेका ‘ सम्पूर्ण सेटिङ’ परिचालित गर्ने कोशिस गर्न खोजिँदैछ । सावधान हुनु र सबैतिरबाट खबरदारी गर्नु जरूरी छ !’