काठमाडौं । नेकपा (एमाले)ले वैशाख ३० मा हुने स्थानीय तहमा उठ्ने आफ्ना जनप्रतिनिधिलाई ६ बुँदे संकल्प प्रस्ताव जारी गरेको छ ।

नेकपा स्थापना दिवसको अवसरमा ललितपुरस्थित पार्टी कार्यालयबाट शुक्रबार घोषणापत्र जारी गर्दै संकल्प प्रस्ताव जारी गरेको हो ।

एमालेले जारी गरेको संकल्प प्रस्तावमा आफ्ना जनप्रतिनिधि सदाचार बन्ने, सुशासनको नमुना बन्ने, भ्रष्टाचार नगर्ने प्रतिबद्धता जनाएको छ ।

एमालेको चुनावी घोषणापत्र सार्वजनिक (पूर्णपाठसहित)

६ बुँदे संकल्प :

१. हाम्रा जनप्रतिनिधिहरू शासक होइन, जनताका सेवक हुनेछन् ।
२. हाम्रा जनप्रतिनिधिहरू सामाजिक जागरण र विकासका अभियन्ता हुनेछन् ।
३. हाम्रो नेतृत्वमा रहेका पालिकाहरू सुशासनमा नमूना बन्ने छन् ।
४. हाम्रा जनप्रतिनिधिहरूले सदाचारमा दृष्टान्त स्थापित गर्नेछन् ।
५. हाम्रा जनप्रतिनिधिहरूले कुनै भ्रष्टाचार गर्ने छैनन् र कडाइका साथ भ्रष्टाचार नियन्त्रण गर्नेछन् ।
६. हाम्रा जनप्रतिनिधिहरूले भ्रष्टाचारी, व्यभिचारी, अनियमितता र सार्वजनिक सम्पत्तिको दोहन गर्नेहरूलाई कानुनी कारवाहीको दायरामा पुर्याउन अग्रणी भूमिका खेल्नेछन् ।

माओवादी केन्द्रका केन्द्रीय सदस्य र पूर्वराजदूतसहितको टोली एमालेमा प्रवेश