पोखराको मेयरमा उम्मेदवारी दर्ता गर्दै थापाले भने– जित्ने आधार एमाले नेतृत्वको सरकारले गरेका काम

नेपालवाच २०७९ वैशाख १२ गते १६:४६

काठमाडौं । नेकपा (एमाले)बाट पोखरा महानगरपालिकाको मेयरका उम्मेदवार कृष्ण थापाले आफ्नो उम्मेदवारी दर्ता गराएका छन् ।

सोमबार एमाले पार्टी कार्यालय पोखराबाट उपमेयरका उम्मेदवार मञ्जु गुरुङसहित मुख्य निर्वाचन अधिकृतको कार्यालयमा पुगेर आफ्नो उम्मेदवारी दर्ता गराएका हुन् ।

उम्मेदवारी दर्तापछि उपस्थित सञ्चारकर्मीलाई संक्षिप्त प्रतिक्रिया दिँदै पार्टीको संगठन र एमाले नेतृत्वको सरकारले गरेका काम नै आफ्नो जित्ने आधार भएको दाबी गरेका छन् ।

विवादस्पद भिडियोका कारण दीपक पौडेलको टिकट खोसिएपछि थापा आजमात्र मेयर पदका उम्मेदवार चयन भएका हुन् ।