काठमाडौं । स्थानीय तह निर्वाचनमा अहिलेसम्म देशभर १५ प्रतिशत मत खसेको छ ।

शुक्रबार बिहान ११ बजेसम्म देशभरका स्थानीय तहमा १५ प्रतिशत मतदाताले मत जाहेर गरेको निर्वाचन आयोगले जनाएको छ ।

आयोगका अनुसार, देशभरका १५ मतदान केन्द्रमा भने मतदान स्थगित भएको छ । राजनीतिक दलबीचको विवाद, झडपलगायत कारणले मतदान स्थगित भएका हुन् । स्थिति तनावग्रस्त बनेपछि कतिपय स्थानमा प्रहरीले हवाई फायर नै गरेको छ ।

शुक्रबार बिहान ७ बजेदेखि सुरु मतदान साँझ ५ बजेसम्म चल्नेछ ।

स्थानीय तह निर्वाचनमा देशभर १ लाख ४५ हजार ११ उम्मेदवार चुनावी मैदानमा छन् । मतदाताले मत जाहेर गरेर यिनैमध्येबाट जनप्रतिनिधि चयन गर्नेछन् ।