१२ बजेसम्म ३५ प्रतिशत मत खस्यो, सात ठाउँमा मतदान स्थगित

नेपालवाच २०७९ वैशाख ३० गते १२:५१

काठमाडौं । निर्वाचन आयोगले आज अपरान्ह १२ बजेसम्म दशभर करिब ३५ प्रतिशत मतदान भइसकेको जनाएको छ ।

त्यसवाहेक केही ठाउँमा झडपका कारण मतदान स्थगितसमेत भएको छ । आयोगका अनुसार हालसम्म दोलखा, सर्लाही, सप्तरी, रामेछाप, पर्वत, हुम्ला र बाजुराका केही मतदानस्थलमा सामान्य विवादका कारण मतदान अवरुद्ध भइरहेको छ । ती स्थानमा मतदान सुचारु गर्ने कार्य भइरहेको आयोगले जानकारी गराएको छ ।

आज ७ सय ५३ वटै स्थानीय तहका १० हजार ७५३ मतदानस्थलका २१ हजार ९५५ मतदान केन्द्रबाट बिहान ७ बजेदेखि मतदान भएको हो । अब बेलुका ५ बजेसम्म हुनेछ ।