काठमाडौं । स्थानीय तह निर्वाचनका लागि शुक्रबार काठमाडौं उपत्यकाको शान्तिसुरक्षा अत्यन्तै कडा पारिएको छ ।

सुरक्षा संवेदनशीलतालाई ध्यानमा राखि उपत्यकाका सबै नाका प्रवेशमा कडाइ गरिएको छ । चोक-चोकमा सुरक्षाकर्मीले चेकजाँच चुस्त दुरुस्त पारेका छन् । प्रमुख जिल्ला अधिकारीको नेतृत्वमा नेपाल प्रहरी, शसस्त्र प्रहरी र नेपाली सेना सुरक्षामा खटिएका छन् ।

त्यस्तै उपत्यकाका महत्वपूर्ण नाका नागढुंगा सुनसान देखिएको छ । दैनिक हजारौं गाडी आवातजावत हुने यस नाकाबाट एम्बुलेन्सलगायत केही साधन मात्र चलेका छन् ।

काठमाडौंका प्रमुख जिल्ला अधिकारी गोविन्दप्रसाद रिजालले अहिलेसम्म उपत्यकाको शान्तिपूर्ण रहेको जानकारी दिएका छन् । नागढुंगामा अहिले चन्द्रागिरी नगरपालिका–१ अन्तर्गतको मतदान भइरहेको छ ।