काठमाडौं । प्रमुख निर्वाचन आयुक्त दिनेशकुमार थपलियाले निर्वाचन अपेक्षा गरेअनुसार नभएको बताएका छन् ।

निर्वाचन अवधि सकिएलगत्तै आयोजित पत्रकार सम्मेलनमा बोल्दै प्रमुख निर्वाचन आयुक्त दिनेशकुमार थपलियाले यस्तो बताएका हुन् ।

‘आयोगले अपेक्षा गरेअनुसार मत दान भएन कि भन्ने लागेको छ,’ उनले भने । मतदाता धेरै भएका ठाउँमा कम मतदान हुनेबित्तिकै कम अंक पाएको उनले बताए ।

यसअघि उनले देशभरका स्थानीय तहमा ६४ प्रतिशत मतदान भएको जनाएका छन् ।

उनका अनुसार केही स्थानीय तहमा आज रातिबाटै मतगणना सुरु हुनेछ । १८ स्थानीय तहको पूर्ण मतदान सकिएपछि मतगणना हुने र केहीमा मतपेटिका संकलत भए पनि भोलि विाहानबाट मतगणना हुने उनले जानकारी दिए ।

एकैपटक निर्वाचन सम्पन्न गर्नुपर्दा पर्याप्त सुरक्षा दिन नसकिएको र राजनीतिक दलहरुले साह्रै सानो विषयमा पनि अनावश्यक विवाद सिर्जना गर्दा आयोग चिन्तित भएको उनले बताए ।