काठमाडौं । कांग्रेस महामन्त्री एवं सांसद गगन थापाले प्रतिनिधित्व गर्ने निर्वाचन क्षेत्रकै वडामै कांग्रेसले पराजय बेहोरेको छ ।

थापाको काठमाडौं क्षेत्र नम्बर ४ मा काठमाडौं महानगरपालिका र बुढानिलकण्ठ नगपालिकाका गरी १२ वटा वडा पर्छन् । यी १२ वटा वडाका कुनै पनि वडाध्यक्ष कांग्रेसले जित्न सकेन ।

बुढानिलकण्ठको मेयर र उपमेयर दुवै एमालेले जित्दा यो नगरपालिकाका १, २, ८, ९, १०, ११, १२ र १३ मा कांग्रेस वडाध्यक्षमा नील  हुनपुग्यो ।

यी सबै वडामा अध्यक्ष एमालेले आफ्नो पक्षमा पार्यो । वडा १ मा कांग्रेस दोब्बर मतले पराजित भयो । केही वडाबाहेक सबैमा भारी मतले कांग्रेस पराजित हुन पुगेको छ । संघीय निर्वाचन अघिकाे स्थानीय तहकाे निर्वाचनमा थापालाई अनपेक्षित परिणाम आइलागेको हो ।