काठमाडौं । भरतपुर महानगरपालिकाको मेयर माओवादी केन्द्रकी रेनु दाहालले लिएको अग्रता थप फराकिलो बन्दै गएको छ । उनी एमालेका विजय सुवेदीमाथि ७७६८ मतले अघि रहेकी छिन् । यसअघि ७३८८ मतले अगाडि रहेकी रेनुको अगग्रता झनै बढेको हो ।

रेनुले ३६१२६ मत ल्याएकी छिन् भने निकतम् प्रतिद्धन्द्धी सुवेदीले २८३५८ मतमात्र ल्याएका छन् । यसले गर्दा अब सुवेदीलाई कमब्याक गर्न गाह्रो हुने देखिन्छ ।

यस्तै, स्वतन्त्र उम्मेदवार जगन्नाथ पौडेलले १२०३० मत ल्याएका छन् । पौडेल कांग्रेसका बागी उम्मेदवार हुन् ।

यसैगरी, रेनु माओवादी केन्द्रका अध्यक्ष पुष्पकमल दाहाल प्रचण्डकी छोरी हुन् ।

सुरुमा सुवेदी र रेनुबीच झिनो अन्तरले अग्रता फेरबदल भइरहेको थियो । अहिले भने रेनु अगाडि बढ्दै गएकी हुन् ।