काठमाडौं । नेपाली कांग्रेसका नेता डा. मिनेन्द्र रिजालले बजेट बारे धेरै ठूलो प्रतिरक्षा गर्नुपर्ने नभएको बताएका छन् । प्रतिनिधिसभामा बजेटको सैद्धान्तिक छलफलमा भाग लिँदै रिजालले विपक्षी नेतालाई गत वर्षकाे बजेट स्मरण गरेरमात्रै बजेटबारे बाेल्न भनेका हुन् ।

‘कमसेकम यो बजेट संसदभित्र आएको छ । अघिल्लो वर्ष संसदलाई छलेर बजेट ल्याउने साथीहरु धेरै आक्रामक हुन जरुरी छैन । बजेटका बारे धेरै ठूलो प्रतिरक्षा गर्नुपर्ने पनि छैन’, उनले भने ।

साथै रिजालले बजेटले सही प्राथमिकतामा आधारित कार्यक्रमहरु ल्याएको बताए ।

अहिलेको अवस्थामा ल्याउन मिल्नेजस्तो बजेट आएको भन्दै उनले बजेटको मूल दिशा ठिक भएको बताएका छन् ।

उनले एमालेका उपाध्यक्ष एवं पूर्वअर्थमन्त्री विष्णु पौडेललाई भूमिका फेरिनेबित्तिकै देशको अर्थतन्त्रका विषयमा आकाश र जमिनको फरक हुने गरी कुरा नगर्न आग्रह गरेका छन् ।