NepalWatch

News Portal For Eeverything In Nepal from Nepal

२०८१ जेठ ६ गते

कांग्रेससँग तीन वटै तहको चुनावमा गठबन्धन हुन्छ : प्रचण्ड

काठमाडौं । नेकपा (माओवादी केन्द्र) का अध्यक्ष प्रचण्डले आगामी तीन वटै तहको निर्वाचनमा नेपाली कांग्रेससँग गठबन्धन हुने दाबी गरेका छन् ।

सत्तारूढ गठबन्धनलाई निर्वाचनमा निरन्तरता दिनेबारे मतान्तर देखिएका बेला प्रचण्डले अहिलेको गठबन्धन तीनै तहको चुनावसम्म कायम हुने बताए ।

‘गठबन्धन कायम नै छ । यही गठबन्धन स्थानीय मात्र होइन प्रादेशिक र संघीय चुनावसम्म कायम रहन्छ,’ प्रचण्डले भने ।

चितवनका कांग्रेस नेताले केन्द्रले गठबन्धन गरे पनि नमान्ने भनेर गरेको टिप्पणीप्रति सञ्चारकर्मीले उनलाई प्रश्न गरेका थिए । जवाफमा उनले चितवन कांग्रेसले भन्दैमा केही नहुने बताए ।

निर्वाचन घोषणापछि प्रचण्ड पहिलो पटक चितवन पुगेका हुन् । माडीमा आयोजित विभिन्न कार्यक्रममा उनी सहभागी हुने कार्यक्रम छ ।

ताजा अपडेट

नेपालवाच विशेष